熱火喺周日主場迎戰馬刺，上演上屆NBA總決賽戲碼，結果喺有獲迪傷癒復出下，以113:101贏波。熱火喺今場波着咗懷舊款式波衫作賽，唞咗4場比賽嘅獲迪，喺今場波先被列為後備，上陣24分鐘係咁意入8分，另外兩巨頭勒邦占士（右）同保殊（左）就分別入18同24分。馬刺喺今季對住強隊表現都依然係唔多理想，熱火喺第3節已經領先到20分，提早進入垃圾時間。