Tanya認為明哥勇敢出櫃，對社會影響很大，她說：「你見多咗男仔女仔夠膽喺中環、銅鑼灣、金鐘地方拖手，畀佢哋嘅空間大咗。」蔡瀾指同性戀在很多國家都不被接納：「印度為咗呢件事（同性戀）打人，𠵱家俄國好恐怖。你應該幫到佢哋。」明哥坦言當日出櫃的確有一份使命感，他自問已比很多人幸福，若他不站出來，其他人更加不夠膽說：「如果佢畀人知道有個男朋友，可能工作不保，或者畀啲同事揶揄。」他組織大愛同盟，就是要爭取反歧視法，可惜至今施政報告、諮詢、立法一隻字也沒有提過，明哥鄭重的對肥佬黎說：「如果因為我哋嘅性傾向，畀人炒魷魚，社會係冇保障。所以我覺得革命尚未成功。」Tanya反應夠快：「係咪同志都仍需努力嘅！」
明哥勇於為同志發聲! 星期四晚《亂噏24》足本版預埋你！