政改諮詢仲未埋牙，美國駐港澳總領事夏千福都冇靜咗落嚟，近日又再主動出擊，為象牙問題發聲。歲晚期間，千福BB透過領事館公共事務部出稿，談及特區政府決定銷毀28噸已充公象牙，大讚香港嘅漁農自然護理署，同埋保護稀有動植物諮詢委員會呢一個決定。千福BB話，佢期待今次嘅銷毀行動，可以簡單而有力咁，向各方傳遞反對非法獵象，同埋反對偷運象牙行為嘅訊息。佢又話，美國總統奧巴馬喺舊年7月，已經指示華府，要嚴打偷運野生動物嘅相關行為。千福BB出稿「抽水」之餘，都可以搵到個位，順便宣傳埋美國政府嘅立場，果然係公關高手呀！