今集《亂噏24》陣容鼎盛，除了邀得陳淑莊（Tanya）擔任主持，亦請來黃耀明任嘉賓。不說不知，原來肥佬黎與明哥是舊相識，兩人甫見面便噓寒問暖一番，感覺溫馨。肥佬黎稱兩人是三年前在飯局相識，他說：「我特登約佢食嘅！」原來肥佬黎對明哥的專注和投入感到十份佩服，便想邀他做節目主持，但當時未能成事。明哥說：「卒之今日做囉！卒之你做咗主持！」
肥佬黎相當關心老友於3月舉行的演唱會，便問他怎樣宣傳，明哥快人快語：「今日我主要嚟promote我嘅演唱會嘅！」肥佬黎「叮」一聲想到條絕世好橋，他笑說：「我諗你要搞啲緋聞呀，不如我同你搞gay吖！全城轟炸！」逗得哄堂大笑，Tanya潑冷水：「你呢條橋唔可以用太多次喎！」笑完一輪，肥佬黎回復認真mode，他說：「我非常之尊重你，對個社會承擔呀，好有社會良知，呢個係唔容易。」
想知佢哋『講』基有幾盡? 星期四晚記得收睇足本《亂噏24》！