周潤發、甄子丹、郭富城及梁詠琪等主演的電影《西遊記之大鬧天宮》，昨晚在銅鑼灣舉行慈善首映，發哥繼續親民，向市民打招呼。發哥透露拍該片辛苦，子丹竟說：「你又詐我型呀？」發哥即回敬：「我自己笨手笨腳啫！」子丹大讚今次演員陣容是夢幻組合，發哥即幽他一默：「宇宙最強，你睇住我哋呀，食粥食飯靠你呀！」及後嘉賓大合照，梁詠琪原本想企後排，但發哥說：「過嚟啦！你老公唔喺度，得我襯到你咋！」
發哥受訪時透露電影要收9億元才歸本，他亦望可拍續集，問到是否曾被子丹鬧動作不好？發哥說：「佢唔敢喺我面前背後講，佢尊重我。」對於發哥表示票房靠宇宙最強，子丹說：「唔係，咁好大壓力。」
採訪：魯萍
攝影：黃偉雄
