【闖出名堂】
「雖然係籌到300萬，但扣番成本除番開，我時薪其實同老麥（麥當勞）差唔多！」Ray為了做自己的創作，有一年半無任何收入。其實他在會考「失敗」後，早已雕出彩虹，成為受歡迎的雕刻師。
Ray長於公屋家庭，求學時期讀書成績一般，但熱愛雕刻，16歲已開始接雕刻工作，會考前基本上都在雕刻、鑽研畫畫，「會考我得8分，但偏偏美術一科係拎A1」，他尷尬地笑。
其後，他一邊做雕塑，一邊修讀電影道具和雕刻等。父母見到他能靠手藝謀生，也沒多過問。
難搵新人入行
後來定單越接越多，在行內闖出名堂，例如7-11早前供換購的海賊王公仔、遠銷海外的Q版聖鬥士星矢模型、電影《救火英雄》裏謝霆鋒戴的面具，原型都出自他一雙手。
在香港，像他這種以雕刻首辦模型維生的人不夠五個，「其他都係大我20年以上嘅前輩，呢行學嘅時間長，做嘅時間又長，又無得見工，都好難入行」。
他一直希望能物色新人入行，但並不容易。他表示，雕刻要雕得精，要對人體結構、骨骼有理解，又要對各種美術風格有所認識，「一定係努力重要過天份好多！」須靠經驗、專注累積，技巧才慢慢進步。
雕刻不能帶給他大富大貴，「雖然財政上可以再自由啲就更好，但其實𠵱家都已經係做緊自己鍾意做嘅事」，他和拍檔阿翰滿足地笑。
《蘋果》記者