雖然話舊年全球經濟環境一般，但拍賣市場依然旺場。佳士得舊年全年總成交額達到556億元（71.3億美元），增長14%，成為舊年表現最佳嘅拍賣行。原來永利澳門（1128）老闆史提芬永利（Steve Wynn）前妻Elaine Wynn以11億元買咗一件三聯畫，幫咗唔少忙。
Steve同佢前妻都好鍾意投資藝術作品，喺旗下賭場開咗唔少藝廊。Steve舊年3月將一幅畢加索嘅名畫《La Rêve》，以12億元賣走成為一時佳話。
到舊年11月佳士得喺紐約舉行拍賣會，有人以11億元買咗英國畫家Francis Bacon嘅三聯畫《Three Studies of Lucian Freud》，又引來拍賣圈一場哄動，最近拍賣圈內先至有人八卦到買家就係Elaine，為佳士得帶來一筆進賬。