老虎活士上周六喺自己嘅福地失威，竟然喺加州多利松球場舉行嘅農夫保險高爾夫球公開賽第3圈出局。多利松球場一向係老虎嘅福地，佢喺呢個球場贏過8個錦標，但上周六活士喺呢個球場嘅魔法消失，佢只能做出高標準桿7桿嘅79桿，係佢個人喺美國本土賽事歷來最差嘅成績，黯然喺第3圈出局。至於暫時領先嘅，係總桿數208桿嘅美國球手活蘭特。