【本報訊】許多傳統理髮店早年在收爐前兩星期，都奉行「雙計」，即客人要付雙倍價錢。但時移世易，這種傳統早不復存在，旗下共有30分店的新偶像集團主席江樹林指出，由於市道問題，加上自助理髮用品充斥市面，近10年來，行內大都只會在農曆新年前三星期收取附加費，由10至30元不等，越近農曆年，附加費越高。
入行50年、由學徒做到大老闆的江樹林笑言，「電番個靚髮過新年」，只能成為他那一代人的集體記憶，「𠵱家好多髮型都好易打理，加上新一代再冇剪髮過年嘅概念，好難再話雙計；近幾年，年三十我哋都唔使再延長營業時間，同以前做到冇停手差天共地，收附加費都係諗住年尾慰勞吓夥計。」江說。