巴黎聖日耳門呢排表現有啲不濟，上周中喺法足盃32強爆冷主場負蒙彼利埃出局，以為佢哋上周末聯賽會知恥近乎勇，點知作客竟然同中下游嘅甘岡踢成1:1，而且喺落後下先靠中堅阿歷士洛里高完場前3分鐘嘅入球逼和，認真失威。領隊白蘭斯賽後仲「賴地爛」，連伊巴謙莫域（圖）都附和埋一份，我求大俠認為佢哋最好先反省下自己。