前英格蘭球星奧雲應贊助商邀請訪港3日，噚日到埗，今日會喺沙田馬場觀戰兼擔任Kent & Curwen百周年紀念短途盃頒獎嘉賓。奧雲向來鍾意賽馬，掛靴後除講波外，更投入賽馬活動，喺英國養咗唔少馬，而佢名下隻長途馬「啡豹」上年尾出戰墨爾本盃，可惜無功而還，原本「啡豹」準備轉戰香港瓶，點知退出；奧雲噚晚仲去咗半山英國領事官邸，出席歡迎酒會，佢周一仲會出席該品牌春夏服飾預展㖭。