【本報訊】「原來我窮一生追求錢，到頭來蝕咗好多比錢更有價值嘅嘢」。七位年輕人大學畢業一年多，驚覺自己和朋友營營役役，為搵錢犧牲生活，猶如金錢奴隸。今年一擲10萬元在維園年宵開檔，檔名「MINE」代表「Money is not everything」，貨品讓市民自定價錢，身體力行「錢唔係最重要」。
領軍的沈敬笑言，未開檔已知蝕硬，但不惜工本提醒港人「除咗錢，人生仲有夢想、仲有健康」。生活磨滅意志，當你每日為兩餐苦惱，也許早已忘掉曾經有過夢想，淪為一條鹹魚。
明知蝕硬 拒做鹹魚
「MINE」主打六款環保袋，印上「Rolex is endless（勞力是無止境）」、「Money is not everything（金錢不是一切）」及「Priceless（無價）」（圖）等，另有手機保護殼及襟章。產品包裝附有貼紙，「畀大家寫低你願意為呢個concept付出幾多」。沈敬指市民反應不俗，「有人畀100蚊、500蚊，當然一蚊都有，但唔緊要，我哋最希望大家搵番生活嘅意義」。