王菀之認為今次不但是演戲中大突破，無論戲裏戲外，都是她人生最大膽的試煉，Ivana說：「受寵若驚、膽戰心驚、不知所措，一收到君如邀請即答應。接得呢個戲已經係人生好大嘗試，人生第一部上映嘅電影，冇諗過係《金雞sss》，由第一日拍攝至造型對白、動作形體都係豁出去，性感程度係少過我瞓覺着嘅衫，喺拍攝過程太多事情發生，好多地方係我人生都唔會去嘅，例如色情場所，要做嘅形體動作日常生活唔會做嘅都做晒，好大膽，都唔可以話係床上戲，床上戲算得係啲乜嘢。」
Ivana飾勤力小雞，為錢接受任何客人，她說：「同鄭中基有濕吻戲，君如不停嚇我，要濕吻好多嘢搞，我一路都好驚，了解過劇情後就答應，螢幕第一次濕吻，唔係淨係螢幕前，包埋螢幕後同生活上，所有大膽嘅嘢反而喺螢幕前做晒出嚟。一路都擔心過唔到屋企人嗰關，唔知爹哋接唔接受到。」