苗僑偉昨日在土瓜灣出席活動，對於好友黃日華太太早前入院，他表示對方已出院，身體狀況進展良好，苗僑偉說：「我都有同佢太太通過電話，佢把聲都幾好，進展唔錯，探佢就冇，華哥都想畀佢太太多啲休息。」
提到近日演藝人協會因重選主席而引起的風波，苗僑偉表示黃秋生與陳芷菁之間只屬誤會，並說：「搞掂咗喇，2月14號重選，秋生佢哋嗰邊會搞緊，之前係少少誤會。」不過有指秋生當選，芷菁坦言即辭職，苗僑偉說：「唔會喇，大家都係為件事，和氣生財。」他亦稱邵音音發火一事亦屬誤會，他說：「音音姐又係誤會，以為邊個咁大膽叫流會，流會係適當處理方法，等大家去諗清楚。」
採訪、攝影：王崇穎