AC米蘭換咗教練由施多夫領軍，暫時情況都仲係麻麻哋，喺意甲爭歐聯參賽席位遙遙落後，又啱啱喺意盃出局。要爭取好成績，施多夫認為要先搞好球隊士氣，所以佢就喺訓練期間叫班球員棄足用手玩閃避球（圖）。成班大細路拎住個波掟嚟掟去好開心，不過打成一片係咪就可以改善成績，就要睇吓佢哋喺聽日作客卡利亞里場聯賽先知。