昨晚湖南衛視播出嘅《我是歌手2》，首位出場嘅歌手就係上次奪得第一名嘅G.E.M.，果然一如之前爆料，佢係唱出范曉萱嘅《我要我們在一起》，同原版偏靜嘅唔同，首歌改編咗好多地方，方便G.E.M.晒佢嘅琴技同歌藝，鋼琴獨奏比原版激昂好多，加上現場弦樂伴奏之下，觀眾情緒高漲，亦十分誇張。
到歌曲後段G.E.M.更彈到企埋起身，最後一段更冇彈琴，起身專心唱歌，又發揮佢嘅小巨肺唱歌，相信原唱嘅范曉萱，冇諗過自己首歌可以變成咁。
昨晚亦一如所料，G.E.M.係第一名，第二名就係周筆暢，第三名係韓磊，第四名張宇，第五名羅琦，第六名張杰，第七名韋唯。而羅琦因懷孕5個月，表示無法以更好狀態參加比賽為由退出。