【本報訊】申訴專員黎年（圖）任期至3月底屆滿，他早前已表明不再續任，政府也正物色繼任人選。黎年昨表明因個人原因不想續任，「要做多五年真係太長時間」。他又澄清拒續任並無任何政治原因，並讚揚公署內各同事都支持他的工作，「呢五年過得好開心，今次絕唔係唔開心咁走」。
公務員出身的黎年，1974年加入政府，曾在多個決策局及部門工作，1999至02年出任廉政專員，09年開始任申訴專員，任期在3月31日屆滿。他去年底已表明無意續任，政府隨即表示會展開招聘。
他昨被問到可能是任內最後一次以專員身份出席記者會有何感想時，打趣說要看同事的工作進度，「仲有兩個月，佢哋做得快嘅，可能仲出多次報告唔定呢」。對於外界揣測他會否因為政治壓力不想續任，63歲的他澄清，絕無此事，「因為專員任期係五年，我再做多五年真係太長嘞」。
他又強調，這五年任期內與各同事相處甚好，「大家都好支持我嘅工作，呢五年做得好開心、好舒服，絕對唔係同事逼我走唔開心咁離開」。