【拆局】
立法會通過由公民黨提出的捍衞新聞自由動議，不少泛民議員也感意外。
有泛民中人直言，今次全靠一班與特首梁振英有「牙齒印」的建制派功能組別議員缺席，有官場中人認為，事件反映日後要爭取建制派「保皇」將更加困難。
投棄權票泛民都過唔到
有泛民立法會議員稱，以往捍衞新聞自由動議不能通過，全因建制派功能組別議員阻攔，「佢哋一係投反對票、一係坐喺到投棄權票，令泛民支持票過唔到半數」。
不過，今次除了自由黨支持外，包括劉皇發、陳婉嫻等功能組別議員選擇缺席，令泛民就算只有14票支持，也能闖過功能組別這一關。
「隨時會踩埋政府一份」
巧合地缺席者或多或少與特首、政府有「牙齒印」，「其實只要劉皇發、陳婉嫻留低投棄權票，已經過唔到，究竟係政府箍票不力？西環冇出手？定係發叔、嫻姐有心向梁振英還以顏色？就要問佢哋！」
有官場中人認為，今次事件只是再反映非「生死攸關」議題，例如政改，建制派未必再肯「奉旨保皇」，「𠵱家建制派同政府關係真係好差，唔好話撐政府、隨時會踩埋一份」。