24歲的𡃁模張悅（Alia）曾以空姐look，出席Cool魔張智霖加盟蕭定一旗下公司的記者會，擁有32B咪咪的她，前晚搭港鐵時疑被色狼偷拍裙底，事後在經理人劉依靜陪同下往警署報警，Alia昨在電話說：「噚晚約9點，我喺荔景站俾一個男人多次偷拍裙底，我大叫搵人求救，身邊男乘客都幫手捉色狼。」
Alia謂當時有熱心乘客代報警，她也拉動車廂緊急掣通知車長，Alia說：「個男人同我道歉，要求我唔好報警，應承會刪相，到達葵興站時，佢衝出車門逃走，經理人陪我去警署報警，但警方話證據不足。雖然我覺得好無奈，但希望其他女仔遇到呢啲事唔好驚，唔好姑息養奸。」此外，張智霖的新碟《Déjà vu》日內推出，情商好友借出市值逾億的古董法拉利跑車影封面。
採訪：皓騫