賀歲片《金雞sss》即將上映，金雞吳君如日前聯同導演鄒凱光（灘叔）錄影節目《亂噏24》。君如跟蔡瀾私交甚篤，即被對方問起男友陳可辛疑搭上小三傳聞，只見她見招拆招游刃有餘，絕不被蔡瀾和黎智英（肥佬黎）的氣勢所壓倒。節目足本版逢周四晚上11時播出，讀者可在http://bit.ly/appletalk24 重溫。
撰文：馮國康、Sidekick
錄影當日，正是電影《金雞sss》煞科，鄒凱光和吳君如完成工作後立即趕來，但仍比約定時間遲了個半小時。眾人道歉一輪後，立即展開錄影，甫開始黎智英便說自己狀態麻麻，因之前一晚睡得不好，整個人呆呆滯滯。蔡瀾勸他吃安眠藥，肥佬黎拍枱說：「日日食咁點搞？」原來肥佬黎吃了30年安眠藥，開始時吃一顆便可，但隔一排卻越吃越多。君如插嘴道：「黎生，你知唔知個問題係乜？係你太多錢！你試吓扮吓窮吖！」灘叔附和：「你畀兩成（身家）我哋，你就會好好瞓！」肥佬黎只懂儍笑。
「唔想猜人哋動機」
肥佬黎認為戒安眠藥不困難，他說：「我用咗廿幾日，我相信人係有瞓覺本能，每晚上床我就相信。（眾人拍枱大笑）好似冇瞓咁㗎，晚晚發夢好似真咁！」君如陰陰嘴說：「黎生，咁你發乜嘢夢？」肥佬黎深知她的用意：「唔會發綺夢嘅，唔會女人嗰啲！」灘叔回敬：「男人都可以係綺夢嘅！哈哈！」肥佬黎一臉沒好氣樣子。
之後，蔡瀾向君如探問陳可辛近況，君如稱男友仍是沉醉電影夢。蔡瀾即笑說：「唔係發緊小三夢咩？」君如相當機靈：「我個女就小三嘞（小學三年級）！」兩人所提的，便是去年陳可辛傳出搭上女星田樸珺的報道，田更公然暱稱陳可辛做「男閨蜜」。肥佬黎聽到小三話題即時醒神，便笑說：「我哋啲娛樂版作嘢呀會唔會？係咪真係唔係有小三㗎？」君如氣定神閒回答：「嗱，我成日都有個信念，陳導演冇咗我會死！小三呢樣嘢，我成日都求神拜佛，如果你（陳可辛）開心呢，係乜都得。」肥佬黎笑說陳可辛若要小三，可能要用命交換，他自問沒勇氣這樣做。君如問他：「你想唔想談戀愛先？」肥佬黎答：「老實講，到六十幾歲，鹹濕就得，戀愛就冇啦。」
君如之所以如此豁達，全因她不想處處管着男友，令她變成「阿媽」：「做女朋友入咗正室，就永遠唔記得做後宮嘅好。」灘叔記得陳可辛生日當晚，君如甚至鼓勵男友出去「玩」，灘叔說：「嗰日拍一場戲，全部戲中女仔喺晒度，就叫佢哋同陳可辛影合照。咁佢好開心，嗱嗱臨咁走，我心諗佢咁開心，係咪跟住繼續去『開心』呢？點知君如話係就好囉。」君如解釋當晚她要通宵拍戲，陳可辛大可騙她，她要管也管不着。蔡瀾咬着不放：「但係如果大陸呢個小三呢（田樸珺）？」君如說：「呢個其實我唔可以三言兩語講，因為如果我再講多一句，就係我好小家，我亦唔想去猜度人哋嘅動機。」肥佬黎插嘴道：「單嘢唔係真嘅？」君如說：「一定唔係。」
除了蔡瀾和肥佬黎，連君如母親都曾對陳可辛有懷疑，並致電給女兒問到底陳可辛可有分身家給她，君如當時對母親說：「我話其實關係同愛情唔係可以用錢嚟衡量，我覺得阿媽釋懷咗就OK。」她表示由始至終都清楚這是甚麼回事，所以根本不用釋懷，又稱除了欣賞陳可辛的孝順，亦欣賞他的風度：「我最感動嘅係《十月圍城》部戲攞咗九個獎，跟住佢同記者講話寧願用九個獎嚟換君如一個影后。」君如十分清楚男友心底裏非常痛錫她，只是不懂用語言表達。蔡瀾笑說：「如果要搵小三，多數係佢（君如）出事！」
攬仔熱舞冷落男友
不過蔡瀾一直不明白，為何陳可辛和君如，兩個儼如來自兩個世界的人，竟然會走在一起，尤其君如從小就要奮鬥，陳可辛則受到家人保護。君如最記得一個經典時刻，她說：「有次陳可辛打電話畀我，佢喊住話『我返唔到轉頭！我好懷念以前。』跟住我攞住個電話同佢嗌交。」君如稱陳可辛只會停留在昔日的好，自己卻像一頭馬騮，永遠向前看，但覺得這沒有對錯：「我同佢講，其實大家唔好左右大家，唔知點解大家就喺埋一齊！」蔡瀾問君如：「你有乜嘢吸引到佢？」君如答：「我係瘦囉！哈哈，其實我真係唔知點解。」
提到君如和陳可辛相處經過，君如即醒起有次約對方到蘭桂坊的97吧，她竟不理會男友，私下到舞池與其他男人狂歡：「我同陳可辛講，話落去跳吓舞先，跳咗成個鐘，我飲醉酒，跳到嗰個男仔送我返屋企，都冇理過佢（陳可辛），佢就坐喺度等我。」
君如說出這次遭遇，是想證明很多事情沒法計算。肥佬黎坦言：「老實講，如果嗰日係我，我女朋友落去跳舞跟人走咗，冇咗㗎啦。我唔會再去追。」蔡瀾認為一對情侶，並非計較誰「食住」對方，而是互補不足，互相配合，才可走在一起。
男人鍾意發錢寒定發綺夢 肥佬黎開估
http://bit.ly/talk242901
靚仔同叻仔 情場邊個最殺食？
http://bit.ly/talk242902
陳可辛大陸有小三？ 吳君如︰三言兩語講唔晒
http://bit.ly/talk242903
醒目女人唔會管男人 日哦夜哦自己都煩
http://bit.ly/talk242904
金雞拍到盡冇嘢好拍 學友︰唔好再拍喇！
http://bit.ly/talk242905
無啦啦猝死點算好 死之前有乜要做？
http://bit.ly/talk242906
男人哭吧不是罪 金像大導喊到收唔到聲
http://bit.ly/talk242907
做編劇年薪9000蚊 9個月食白果慘到暈
http://bit.ly/talk242908
60歲幾仲咁迷人 邊個阿婆咁銷魂？
http://bit.ly/talk242909
男友得一個EX 女友有一班EX 係咪冇得計？
http://bit.ly/talk242910