公開「不以新加坡人為榮」的「年青人」許怡心，被親李氏王朝的網友大喝：「不喜歡可以滾！」香港年青人，不以香港為榮，連滾都要等珠姐詩姐一鎚定音，一直被滾，滾到火，滾到爆！有辱無榮，年青人感受最深，像：
一，基本法條條都唔到香港人解釋。
二，今日確認精英政治，明天又會欽點富二代紅三代政治。政治呢瓣，內部認購，冇你份。
三，大學生唔關心政治，只熱心申請公屋。
四，香港乃亞洲國際虐傭之都，名震中外。
五，教普通話的私人女教師正職是老蘭雞后。
六，財爺管唔住盤數。
七，立法會流唔流會，都係咁流。
八，冇鴉片戰爭下香港被「割地」，冇咗銅鑼灣、油尖旺；西環染紅，中環被解放軍碼頭佔領。
九，新香港人明搶你飯碗，北上求乞，都是愛字頭優先！
十，馬拉佬在噓聲中做報館老總，老闆睇死你香港仔，唔識字！