「林瘋」林書豪過檔火箭後人氣不減，早前波鞋贊助商由一剔轉去三間，而佢接拍嘅歐洲名牌四驅車廣告（圖）都就嚟出街。廣告主打呢部四驅車夠晒安全，硬淨到可以畀林瘋拎嚟健身，車廠仲好認真，出埋林瘋示範點用架車健身嘅圖片示範㖭。不過個廣告就舊咗少少，事關林瘋仲着緊一剔，唔知三間會唔會叫佢拍多次廣告呢？
