去年底狼英落區諮詢施政報告，被社民連成員一掟成名嘅宜家家居（IKEA）野狼布公仔「路姆西」，瞬即被市民搶購一空，八方近日路經灣仔集成中心，竟然見到「路姆西」蹤影。據老闆講，有人早前入多咗貨，諗住炒一轉，後來聽聞宜家會補貨，擔心狼變蟹，所以快快散貨，老闆入咗6隻，佢以「會員優惠價」$99.9賣，即係同宜家原價一樣，貴過門市折扣價15蚊，老闆同八方講「執廿蚊」一隻，暫時賣出一隻。
宜家方面，舖面貼出嘅通告話，供應商預計月底會補充貨源。月底係農曆新年，如果宜家真係返貨，唔知有冇人帶埋「路姆西」拜年？八方相信唔少人會帶路姆西向狼英開年。