【壹週刊】雖然《衝上雲霄II》播完好耐，但張智霖（Chilam）劇裡「Cool魔」一角深入民心，食住呢條水賺到盤滿缽滿，人氣依然高企。去年九月才轉投蕭定一中國3D數碼娛樂有限公司旗下的他，工作浪接浪，因為三月要到內地拍攝劇集，所以早前為新唱片日錄夜錄，Chilam唔怕老土揀咗十位男歌手如草蜢嘅《永遠愛著你》、郭富城嘅《當我知道你們相愛》、梁朝偉嘅《你是如此難以忘記》等歌曲作翻唱，新唱片呢個星期五出街，趕到呢。
本月十八日（週六），Chilam搵嚟五位高登女神如陳法拉、謝安琪、黃美棋、杜小喬及董嘉儀客串拍攝《你是如此難以忘記》MV，拍攝當日袁詠儀一直沒有現身，直到陳法拉及謝安琪埋位，靚靚帶埋囝囝魔童踩場探班，擺明車馬昅實老公。
iPhone App免費下載： http://goo.gl/1SDaWF
Android App免費下載： http://goo.gl/xfQS8D