現年48歲的君如，在影圈打滾了三十年，拍過超過百部電影，甚麼人都遇過，甚麼美食都試過，她認為是時候要思考如何度過下半生。灘叔最了解君如，他說：「我話你要試一個新階段，咁佢真係點頭點腦，譬如佢以前喺電影入面要做主角，依家就下放咗好多位畀其他人上位。」
君如認為少年得志容易，如何在餘生活得精采才是困難。蔡瀾認同：「梗係啦，你去到最後都會諗點樣死好啲。」君如笑稱日日都想過自己怎樣死，以前做電台節目，亦曾想過在笑聲中離開。蔡瀾認為人總有一死，但如何死得「乾淨」，不累及身邊人才是最重要。君如說：「我依家48歲，去到我退休起碼都有廿年，我點樣過呢廿年好緊要，唔想每日都行屍走肉。我喺到諗，係咪需要……」蔡瀾搶着說：「多一個男朋友？」即引起哄堂大笑。
百無禁忌, 君如大講點樣死! 聽晚《亂噏24》足本版預埋你！