搭飛機對基層小朋友嚟講遙不可及,其實這些機會都可以是屬於佢哋嘅。國泰航空響應「築福香港」活動推出「香港精神空中之旅」,同社區組織合作,基層單親小朋友先分別學畫漫畫、攝影、寫文章或製作風箏,表達自己點樣活出香港精神,最後揀咗165個小朋友同家長,喺今個星期日坐國泰777客機「香港精神號」衝上雲霄飛個半鐘。有社區組織代表話,基層單親小朋友易自卑,但會比一般小朋友體會更多、更識諗,佢哋好需要同社會聯繫接觸嘅機會,試搭飛機就係好機會。但落選小朋友挫敗感會唔會更大?代表話佢哋喺活動中亦學到克服困難,又可以同屋企人享受過程,佢哋已經好開心,快樂其實就係咁簡單。