【本報訊】普選路崎嶇，要在中共極權下爭取自由平等選舉還靠港人自省。一直力爭公民提名的學民思潮，近日邀請藝人黃秋生拍攝短片，表態支持公民提名。黃以食飯比喻中共當年承諾香港會有普選一事，「好似話請你食飯，之後我淨係畀一碗白飯你，但一般共識食飯唔係咁嘅，食飯有餸㗎。」
以「請食飯」作比喻
學民思潮近日陸續發放「We are all equal」短片，由藝人深入淺出分享「全民提名 全民普選」概念，讓公眾了解爭取無篩選的普選之路。藝人黃秋生為學民擺出代表全民提名的正方形手勢，並上鏡講述自己的看法。
黃秋生在片中以「請食飯」作比喻，「食飯係有餸㗎，並唔係我請你食飯，之後啲鮑魚、魚翅全部都要計錢……呢啲叫玩嘢，如果咁樣就無得傾。」他又指，不能求港人強行接受不適合的思想，「你唔能夠冚完一巴，再冚一巴唔畀我擋㗎，我唔還手我擋你都得啩。」
他認為港人對政治、政權的文化並無深入了解，由殖民地年代開始至今，他形容港人就似在一條船上的難民，「香港就係一葉孤舟，突然間岸上有人揮手叫泊岸，但呢個碼頭好似唔係好對辦」。
黃認為普選很簡單，首先是被選的人是公平產生，其二是選舉過程公平，寄語港人要留意《義勇軍進行曲》首句：「起來！不願做奴隸的人們！」