工業界林大輝趁新年前夕，噚日包場約傳媒提早拜年，地點喺2010年港姐冠軍陳庭欣開嘅日本餐廳。
原來大輝係當年港姐評判，有份創造當年被指「爆冷」嘅賽果。陳庭欣見大輝咁畀面，親自到場招呼打點，到底大輝當年畀庭欣幾多分？佢笑言攞得冠軍，肯定唔低分，又笑稱要同庭欣組織政黨「沒法擋（黨）」，𠱁到庭欣笑唔停。
講起政黨，大輝諗過度過話嚟緊決定保持「單身」，唔打算入黨，但好樂意同發叔個新界黨合作，坦言積極考慮係咪出選新界東。江湖盛傳田北辰轉區去新界東踢走大佬田北俊，大輝話唔多信，因為田大少「唔係咁易俾人knock down嘅人」。