【本報訊】長年為深水埗露宿者爭取權益的「瞓街牧師」林國璋，不值「印傭（被）打到咁傷，點可以俾佢咁樣上機？」，直指港府欠Erwiana一個道歉或慰問。上周四，林自發舉行籌款活動，目標5萬元，希望親赴印尼送上善款，表達港人愛護Erwiana的心意。
「佢想嚟打工，第一個請佢」
上周Erwiana懷疑被虐待的報道曝光後，林國璋牧師第一個反應是：「有冇搞錯，入境處同海關見佢咁傷都俾佢登機？」警方事後冷待事件，列雜項處理，直至事件升溫至國際層面，才交由重案組全力跟進，港府全程予人慢半拍的感覺，令他感到氣憤。「我哋就馬尼拉人質慘劇爭取菲律賓政府道歉咁多年，點解港府處理印傭受虐事件咁拖拉，連少少歉意都冇？」
上周四，林在筲箕灣教堂舉行祈禱會發起「平權運動 關心印傭」活動，希望帶出港人善待印傭訊息。席間宣佈為Erwiana籌款，目標5萬元，一達到目標，他會親自拿善款遠赴印尼交至Erwiana手中，「我唔能夠代表全香港人，但我以個人身份話佢知，香港人唔係佢個僱主咁樣，佢想嚟打工，我會第一個請佢」。