印傭Erwiana被虐一事，惹起全球高度關注，由於事關重大，香港傳媒都紛紛派人去到印尼爪哇、Erwiana身處嘅醫院採訪，其中有線就派出靚女記者黃曉盈，噚日仲做咗多次現場報道。
但係如果有睇曉盈BB嘅現場報道，都會替佢擔心，皆因佢平日把甜美聲線唔見咗，變成鵝公喉，幾可肯定係大感冒。噚晚曉盈BB喺醫院做完7點半嗰場live，交個波番嚟香港後，喺香港嘅主播王巧都公開叫同事休息多啲。不過，曉盈BB一定會頂硬上，皆因呢單新聞全城關注，喺香港仲有人被捕㖭。《蘋果》上周四印尼直擊採訪Erwiana嘅首天獨家報道，足足有近50萬點擊率，同日嘅施政報告首條新聞，點擊率只有20幾萬，可見港人對狼英嘅施政係幾咁漠視！