君如之所以如此豁達，全因她不想處處管着男友，令她變得猶如「阿媽」，她說：「做女朋友入咗正室，就永遠唔記得做後宮嘅好。」灘叔﹝鄒凱光﹞ 記得陳可辛生日當晚，君如甚至鼓勵男友出去「玩」，他說：「嗰日拍一場戲，全部戲中女仔喺晒度，就叫佢哋同陳可辛影張合照。咁佢就好開心，就嗱嗱臨咁走，我心諗，佢咁開心，係咪跟住繼續去『開心』呢？點知君如話係就好囉。」君如解釋當晚她要通宵拍戲，陳可辛大可以騙她：「根本佢chur咗一轉我都唔知，所以我覺得有時要放低。」蔡瀾咬着不放：「但係如果大陸呢個小三呢（田樸珺）？嚟到呢個節目一定會問㗎！」君如說：「呢個其實我唔可以三言兩語講，因為如果我再講多一句，就係我好小家，我亦唔想去猜度人哋嘅動機。」肥佬黎插嘴道：「單嘢唔係真嘅？」君如說：「一定唔係。」
星期四晚足本《亂噏24》，君如獨家披露陳可辛小三內情！