喺狼英白色恐怖下，自由黨黨魁田北俊喺啱啱過咗嘅聖誕節，去咗歐洲滑雪過白色聖誕，well，算係應吓景囉。估唔到喺特首選舉中投過白票嘅田少，對白色情有獨鍾，今個星期五又會飛去溫哥華滑雪兼過新年。原來田少話呀，上次去陪兩個外孫仔去滑雪，今次就輪到兩個孫女喇。點解要分批唔一齊旅行呢？田少話，佢得一對手，好難同時間湊到四個孫喎，所以分開happy就可以兼顧到嘞！
由於外孫仔嘅滑雪技術都算ok，所以上次揀咗去歐洲，事關嗰度除咗滑雪，真係冇其他嘢玩㗎嘞；但孫女就仲細喎，所以所到嘅滑雪場附近，都要有地方行吓逛吓，所以今次揀咗溫哥華，唔滑雪都可以堆吓雪咁話。