【維基開台倒數161日】黃日華太太梁潔華上月因患急性重病入院留醫，有指她免疫力全失要接受化療，疑患上血癌，前晚黃日華、女兒芷晴帶同男友到醫院探望時，否認妻子患癌，並強調進展良好，有望回家食團年飯。
昨午1時許，黃日華再到九龍塘浸信會醫院探望愛妻，戴口罩的他看來心情不俗，主動停低受訪，態度友善，他說：「太太食得又瞓得仲肥咗，冇問題，大家放心。我心情輕鬆咗，𠵱家進展得好好，醫生話控制中，比理想OK。」
芷晴：冇危險
問黃日華連日進出醫院照顧太太，是否很辛苦？他說：「唔緊要，最辛苦都係拍戲，拍戲都捱得到，更何況呢啲嘢？應該要做嘅！冇問題！」他透露消息傳出後，獲不少好友致電或發短訊慰問，笑言：「放心放心，絕對冇問題。」
芷晴昨與龔慈恩、張松枝等在荃灣出席香港電視新劇《未日+5》開鏡活動，隨後到醫院探媽咪，她說：「過兩日我去韓國做嘢，我有問媽咪好唔好去，佢叫我把握工作機會，其實佢唔係好嚴重嘅病，絕對冇生命危險，𠵱家冇乜事，新年前可以出院。」她又承認拍拖兩年，感情穩定，男友在媽咪患病期間給予支持。對於有傳芷晴與黃日華缺席港視活動似有離心，芷晴否認：「媽咪上個月廿幾號入院，所以同爹哋冇出席公司活動，我仲有年半約，從冇離心，仲好期待公司開台有自己嘅劇出街。」至傍晚約6時，醫院保安透露梁潔華已於下午出院，估計他們從另外的通道離開。
龔慈恩唔尷尬
此外，龔慈恩當年曾做過黃日華與梁潔華之間的第三者，面對舊情人女兒，龔慈恩並沒有尷尬，她說：「唔係講笑嘛？廿幾年前嘅事啦。」對於梁潔華急病入院，龔慈恩並不知情：「唔知，陣間有時間會問候芷晴，佢係一個好乖女仔，好有禮貌。」並透露多年沒跟黃日華聯絡。
採訪：溫敏芝、魯萍
攝影：陳順禎
