呢場車曼大戰，紅魔名宿碧咸帶埋大仔布魯克林入場睇波，雖然唔知點解佢哋兩仔爺坐咗喺車路士班主阿巴莫域治嘅包廂度，但碧咸明顯身在車營心在曼，當車路士入波時，碧咸身邊嘅球迷都開心到彈起，只有佢燶口燶面。前曼聯領隊費格遜都有嚟睇波，但最後冇眼睇，搵隻手掩住對眼。另外，有報道話費格遜本自傳好賣得，佢老人家賺咗成100萬鎊（約1,300萬港元）。