【豪言上市】
除了酒店業王國，富豪酒店副主席兼董事總經理羅寶文揚言，「除咗犯法嘅嘢，好多嘢都會考慮」，對有意義的生意特別感興趣。近年她創辦以自己愛犬為主題的卡通品牌，推出一系列動漫及手機遊戲，冀打進中國兒童市場，豪言要將品牌上市。
投資額逾千萬元
羅寶文透露，旗下品牌「寶狄與好友」的投資額逾千萬元，今年內將會於中港播放共108集卡通，「內地唔應該只係有一、兩個卡通品牌，而家品牌都未達到佢嘅商業價值」。她看好中國的教育市場，希望以具教育價值的手遊殺出一條血路。「上市喺不久將來問題不大，因為內地對教育需求唔細」，她形容內地家庭普遍只有一個小孩，自然願意為他們花錢，購買具教育價值的手機遊戲。
她想法多多，卻自認「心急」，在創辦生意及管理方面仍待改善，未來部署為品牌推出玩具、為富豪酒店引入高科技、在香港開辦寵物醫院等。自小資優的羅寶文卻坦言，自己工作上的成就感不及讀書時期，「以前嘅我，樣樣嘢我付出咗就好有把握，而家做生意就唔係你付出咗，就可以喺完全控制嘅範圍內」，亦曾質疑自己是否做適合生意，「我曾經覺得，做生意係咪要呃人呀？但我而家完全冇咁嘅諗法，覺得做生意可以有利好多人。」