今集節目請來《金雞sss》主角吳君如和導演鄒凱光（灘叔）做嘉賓。甫開始，黎智英（肥佬黎）便說自己狀態麻麻，因之前一晚睡得不好，整個人呆呆滯滯。蔡瀾勸他吃安眠藥，肥佬黎拍一拍枱說：「食開安眠藥，日日食咁點搞？」原來肥佬黎吃了30年安眠藥，開始時吃一顆便睡得着，但隔了一排，吃一顆已不足夠睡眠，變得越吃越多。君如插嘴道：「黎生，你知唔知個問題係乜？係你太多錢！你試吓扮吓窮吖！」灘叔附和：「你畀兩成我哋，你就會好好瞓！」肥佬黎只懂傻笑。
肥佬黎認為戒吃安眠藥並不困難，他說：「我用咗廿幾日，我相信人係有瞓覺嘅本能，每晚上床我就相信。（眾人拍枱大笑）好似冇瞓咁㗎，晚晚發夢好似真咁㗎！」君如忍不住插嘴：「黎生，咁你發咩夢？」肥佬黎說：「唔會發綺夢嘅，唔會話女人嗰啲！」灘叔回敬一句：「男人都可以係綺夢嘅！哈哈！」肥佬黎一臉沒好氣的樣子。
星期四晚十一點， 電影電台紅人齊齊踩上《亂噏24》！