一代名將前荷蘭國家隊中場戴維斯（圖），昔日喺球場上成日成為勝利者，但到咗佢掛靴後做教練，暫時嚟睇似乎就唔多掂。本來已經退咗休嘅戴維斯，喺前年10月出山加盟英乙球隊班列特做球員兼領隊，但喺上季班列特最終降班收場由英乙變成非聯賽球隊；上周六聯賽班列特輸畀車士打之後，戴維斯終於決定辭職，同球會傾掂數和平分手。