呂中豪傑:費查傳裸照惹醜聞 - 呂晨

呂中豪傑:
費查傳裸照惹醜聞 - 呂晨

球星上場唔錫身就話啫,場外都咁唔「錫身」亂送情慾照,真係令人髮指。近日新特蘭前鋒史提芬費查捲入桃色醜聞,俾「獵物」爆料指狂send裸照同裸片色誘。何謂「狂」?呢位1,200萬鎊(1.5億港元)身價嘅球星,向「獵物」自動獻身,send出超過70條影片加裸照!
據呢位未有透露大名嘅「受害者」表示,二人素未謀面,一切只係由費查follow佢Instagram開始,其後二人於一個名為Snapchat嘅社交網站互add,「獵物」嘅噩夢亦揭開咗序幕。而前者亦不知道費查是誰,到後來先得知對方係球星。
有鋪「裸癮」嘅費查經常性周末「犯案」,除裸照之外仲send過DIY影片,更要求對方回禮,都幾厚顏無恥。連呢位女士都話難以接受有球星向陌生人拋身,喺新特蘭作客4:1擊倒富咸嘅上周末英超,就收到超過70條裸片同裸照!吓?唔通贏波太high賣大包?
世風日下,裸聊已經唔係咩新鮮事,不過70呢個數字太驚人,球星真係有咁多精力咁得閒?
文:呂晨
以女性角度看球星新聞,唔用眉筆用原子筆寫低球壇百態!