鄧紫棋（G.E.M.）最近於內地歌唱節目《我是歌手2》出盡風頭，連內地觀眾及評審都嘆為觀止。以其歌藝及現場演唱水平，相信若於香港認第二，都唔知有幾多位同輩女歌手敢認第一；偏偏一個以「公正、專業」自居的樂壇頒獎禮，竟完全沒她份兒。一個頒獎禮的認受性得來不易，但累積了以十年計的努力，只要幾次不合理的準則、荒謬的賽果，公信力便盪然無存。
球壇具爭議的頒獎禮，首選上周國際足協金球獎。不出所料人氣夠勁的C朗（圖），擊敗為拜仁贏得5個冠軍、包括2013最重要的歐聯、以及世界冠軍球會盃的列貝利。唔係話C朗唔勁，不過列貝利的擁躉不禁問：「帶領球隊贏晒啲錦標咁滯，都唔叫全年表現最佳？咁列貝利要點先可以贏到C朗呢？係咪要整埋容呢？」
現於美國做球評家的拿保夫，與列貝利份屬同鄉，結果宣佈前他已炮轟金球獎是「stupid的頒獎禮」，除因其評選準則，他亦認為足球是團體運動，表揚個人的表現沒有意義。這說法未免有點偏激，其實也不是所有球員頒獎禮也是「stupid」的，如列貝利去年8月獲選的歐洲足協季度最佳球員。這獎項在金球獎（歐洲足球先生）與世界足球先生2010年合併後，於2011年成立，沿用以前《法國足球雜誌》主辦的歐洲足球先生制度，以專業足球記者來投選。加上獎項於季尾頒發，時間上切合足球的賽季模式，明確以球員一季之內的表現為準。其認受性和專業眼光，在不少人心中已超越「世界」。文：方柏翹