本來我以為是男女大不同，對揀A餐定B餐會有截然不同的選擇。為深入了解我完全不同意又更不明白的差異，分別問過不同年齡的男女，結果呢？一面倒和我一樣，全部揀A！即是男的揀做陳奕迅，女的要做徐濠縈。
原因？最簡單不過，做個自己本事識搵錢嘅男人，強過娶個識搵錢多過自己的老婆。而且身為男人，有大男人心態很正常，養妻活兒責無旁貸，能夠滿足老婆各樣需要，令家人日子過得好一點，幾辛苦都值得！大家可見我身邊的男士們的質素有幾高！至於女的，誰不想有個天才橫溢識搵錢之餘還要捨得花在老婆身上的老公？
講來講去，愛最盲目愛是無道理可言的。甲之熊掌乙之砒霜，一人做事一人當，是苦是甜值得不值得，關人鬼事？現實一點講，男歡女愛如家常便飯的今日，要是有女的向男的表白，你給我一條精子，我還你一個孩子，那男的恐怕嚇破膽，褲子來不切抽、鞋子來不及穿、車子來不了開，一身冷汗落荒而逃！
還記得好幾年前傳媒不斷報道徐濠縈不事生產只鍾情shopping，名副其實大花筒，還要非名牌不買。對此陳奕迅答記者答得非常極之咁寸，不過我身為女人聽完冧到暈！他說我搵得到使得起，吹咩？知道老婆愛Chanel，轉頭以行動特登走去巴黎買件Haute Couture首飾送給她做證明，英到又型到呢！不過如此高調晒命，又確係令眾多絲打恨得牙癢癢，難免酸葡萄嘅！做男人的當然多得陳生唔少，set個咁高嘅standard叫人點跟？
純粹以事論事，對張繼聰同謝安琪夫婦二人絕無不敬之意，其實，張繼聰的難處，謝安琪的難做，我身同感受。家家有本難念的經係啦！
張慧敏
http://www.facebook.com/HKcareerdoctor