阿根廷中場孔卡（左）喺上年幫完廣州恒大贏亞冠盃，決定喺球季完結之後返巴西搵食，加盟富明尼斯。新一季巴甲未開鑼，但各地嘅州聯賽已經開打，孔卡亦喺上周六首次代表富明尼斯披甲。喺呢場里約州聯賽賽事，富明尼斯作客馬杜雷拉以2:3落敗，不過孔卡個人表現就唔錯，客軍兩個入球都係由佢策動，睇嚟呢位前巴甲最佳球員喺陣中都可以佔一主力位置。