美資投行美銀美林有位21歲嘅實習生喺舊年暑假實習期間暴斃，引起業內關注實習生工時過長嘅問題，之後陸續有投行表示會改善實習生嘅工作情況，英國《 金融時報》新近報道，德銀都計劃下月發出全球性新指引，令實習生好過啲。
做投行賓架表面風光，但工作時間超長，忙緊做刁嘅時候，多數晨早返工，半夜收工，仲要日日如是，冇假放，初級投行賓架一周工作60至90鐘都係等閒事。華華都聽好多賓架講，因要夾歐美時區，通常傍晚過後先至多嘢做，半夜先收得工。
自從美銀美林有實習生暴斃之後，高盛、摩通、美銀美林等大型投行，相繼提出要畀實習生好啲嘅工作環境。新近德銀亦話要做好僱主，建議中，包括畀實習生每個周末都有一日假期，即係一個月至少有四日假喎。