【本報訊】今個農曆新年，賀年食品都漲價，其中米芝蓮食肆添好運也感壓力，老闆麥桂培直言「貴到你唔信」，食材加價5%，加工費更加近一成，各式糕點因而加價10元。
金薯栗子糕反應好
麥桂培說，今年糕點銷情相當理想，雖然未到高𥧌期，但預計整體生意比去年增長兩成，「兩萬底應該走唔甩」。新產品金薯栗子糕更比想像中好賣，「（銷量）拍得住年糕，估唔到反應咁好」。但最好賣仍是蘿蔔糕，「由細食到大，根深柢固，就算買其他糕試，都一定要買番底蘿蔔糕」。
安記海味老闆潘權輝則指，因日圓匯價下跌，日貨成本價不致飆升，但物流、倉租支出卻大增近四成，「香港唔夠地方，（倉租）一年加兩三次」。不過，安記近兩年不敢加價，盡量薄利多銷，「加咗價後如果少咗生意，追唔番」。
他指，因內地客不似以往大手筆掃貨送禮，十萬元以上的大額生意明顯減少，反而散客購買的份量越來越多，相信整體生意額仍會有約一成增長，其中以花膠、鮑魚及臘味等應節食品最好賣。