【動Fun】新年有咩節目？做藝人就辛苦喇！逢係大時大節，人放假時，佢地就出騷搵銀！動主播汶汶，就喺銅鑼灣捉到聽聞就快約滿嘅港視小花黃芷晴，呢期佢咁紅，新年會唔會無咩時間陪到屋企人？「每年就算幾忙都好，都一定會抽時間同屋企人食飯，仲會去婆婆屋企拜年o架！」果然係乖乖女啊！
之但係，芷晴BB做咩一個人係銅鑼灣行，都行得咁開心呢？「無啊，頭先行行下街，見到個booth咁靚，咪過嚟玩下囉！原來佢哋入面有新產品試用同專人教護膚，玩完仲有試用產品送，好開心啊！」唔怪得世貿對出呢幾日咁多人排隊啦！
不過芷晴BB啲皮膚又白又滑，究竟平時喺用咩保養呢？「平時最緊要飲多啲水，日日keep住做修護，產品最緊要吸收得快同保濕，唔係塗幾多都無用。」收到哂！
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun