【另類選擇】
賀年送禮糖果原來也可以食得健康，為抗衡大型超市霸權，開設樓上辦館的小店，從美國引入有機及天然朱古力的另類送禮自用賀年食品，部份產品瞬即沽清。759阿信屋則不賣大家熟悉的金莎朱古力及丹麥藍罐曲奇，改賣新加坡朱古力筒、歐洲曲奇餅突圍。
位於荃灣南豐中心樓上有機品店美國派（US Pie）負責人Angel稱，近年港人注重飲食健康，故最近引入一些健康送禮自用賀年食品，「港人新年鍾意買朱古力送禮，所以喺美國採購一系列有機及天然朱古力，品種仲有酒心朱古力，新年食朱古力都可以健康啲。部份已賣斷巿」。Angel補充說，美國人愛用煙熏三文魚（圖）送禮，因為有禮盒裝，大方得體，「我都入咗一批禮盒裝煙熏三文魚，反應幾好」。
阿信屋負責人稱去年賣大路賀年食品如金莎朱古力等遭客人指摘，故今年改進口一些香港人不認識的朱古力筒、歐洲曲奇餅，「啲曲奇餅賣30、40蚊，斷晒貨要補倉。𠵱兩日做埋七折，吸引啲客買年貨」。
《蘋果》記者
消費者點睇
林小姐：「係時候買賀年禮品，價真棧同惠康、百佳禮品差唔多，價真棧就平啲。」
崔小姐：「價真棧啲金莎朱古力比惠康、百佳平三、四成。」
