湖人同塞爾特人呢兩支老牌勁旅喺今季同樣非常唔掂，兩隊喺上周五碰頭，主場嘅塞爾特人苦等多時有控衞朗度（9號）喺呢場波傷癒復出，點知都係要輸。朗度喺上年1月膝部重傷之後，一直唞到呢場波先可以再上陣，佢喺今仗打咗19分鐘拎8分，但塞爾特人最終以104:107輸波。另外，湖人嘅拜恩話佢復出時間唔會係好似之前所講嘅1月尾，要到下月做埋詳細檢查先決定到。