【尸位素餐】
教育局設立跨境學童專用校網，得罪港、深家長。將接收多達1,200名跨境童的屯門，每10個新小一生，便有4個是跨境童，家長擔心教學受拖累，批評教育局局長吳克儉未有未雨綢繆，「呢個局長，任何人都做到」；跨境童家長則指部份學校遠至東涌，派到等於叫人不要讀。
屯門西和屯門東共有1,198個學額撥給跨境童報讀，多是動用空置課室加設，兩網供區內港童升讀的學額則有1,909個，合共3,106個，即每10名新生，港、深學童比例為6：4。天水圍是另一重災區，需接收1,057名跨境學童，有學校開辦八至九班小一。
屯門西港爸黎先生不滿教育局將跨境童推入區內，「跨境學童本身都唔想過嚟，佢哋最心儀係上水嗰邊，應嗰邊加位，但（教育局）又加唔切，人口政策已經知呢啲問題，應之前已做好呢啲措施。」他指現屆政府上場已一年半，早應在上水加學額，「絕對係局長（吳克儉）問題，到發生事先諗辦法解決，呢個局長，任何人都做到！」
未來四年會更多雙非童
黎先生指出，日後班上一半學生是跨境童，港、深兩地文化不同，「佢哋講普通話唔係好驚，但驚程度追唔上」。
多名受訪跨境童家長都表示，若被派到東涌、馬鞍山或黃大仙，一定會向近邊境校網叩門。家長蕭太說：「冇去過屯門、元朗，東涌唔知喺邊度，跨境跨到上水已經辛苦，仲有去東涌、黃大仙，根本就唔駛讀書。」朱太則表明若派得太遠，會將兒子留在深圳讀私立小學，一年學費約1.2萬元人民幣。
政府去年起實施零非政策，阻止內地孕婦來港產子。今年9月升讀小一的學生，主要在2008年出生，由2009至2012年出生的雙非童，在未來四年陸續適齡升讀小一，每年人數由2.6萬至3.5萬人不等，均比今年2.5萬人為多，新界校網的空置課室幾已用盡加位，未來跨境童勢大舉進攻沙田，繼而九龍。
《蘋果》記者