剛宣佈同中國電訊業巨頭華為成為全球合作夥伴嘅阿仙奴，居然向韋斯咸挖角？單料堅過石堅㗎，但唔係挖球員，而係撬走軍醫路斯（圖）。路斯本周已經離隊，下個月開始做兵工廠運動科學部門嘅阿head，負責處理傷兵。據報路斯好有料，領隊雲格深信佢可以令球員冇咁易傷。但係我求大俠就有啲保留，如果路斯真係咁勁，韋咸傷兵名單就唔會水蛇春咁長啦！