【節日情人】究竟乜嘢人最難搞？如果話係三姑六婆，相信都唔會有異議，尤其喺大時大節，成班親戚走埋一齊，梗係問有冇男、女朋友、幾時結婚？少啲精神都應付唔到，真係有苦自己知。唔知係咪呢個原因，近年網上出現咗出租情人呢個服務，但因為唔係新嘢，所以點都要搞吓噱頭吸引人。
「可以傾吓」
噚日高登討論區有post，內容轉載淘寶一條link，內容話：「出租男友，春節回家過年，陪吃陪喝，面對七大姑八大姨，欲購從速」，之後仲列出好多規條兼合同細節，收費1,000人民幣。雖然明知係惡搞，不過都忍唔住話成件事嘅賣點，就係搵咗周柏豪張相做招攬， 睇嚟柏豪都好受網友歡迎！場主噚日同柏豪講呢件事，佢聽完之後話好搞笑，跟住仲好抵死話：「如果有乜嘢工作接洽，請聯絡我公司，乜嘢都可以傾吓！」
場主：守庫
