自「喪妹」成為票房毒藥後，𠵱家根本就冇片商肯搵佢拍戲，但佢同經理人都仲唔知碇，周圍去搵導演用佢，又話可以投資埋一份。有啲導演都念及喪妹戲好，又聽到佢話肯投資，咪諗住平平哋搵佢合作拍番部戲。
片酬千四萬
香港某大導同喪妹本來傾得好好哋，一心以為喪妹係有誠意出返嚟拍戲。點知喪妹交由經理人傾細節時，佢經理人就開出天價嘅條件，要求1,400萬片酬，實收1,000萬，其餘400萬唔收住就當投資埋呢部戲做股東，所以佢身為老闆之一，其他卡士佢有權過問，某大導聽到火都嚟，覺得佢哋儍嘅，票房毒藥都夠膽開呢個價，梗係睬佢哋都儍，後來喪妹嗰邊見某大導冇晒下文，連電話都唔接，佢就知又衰多一鑊啦！
撰文：關仁